PEOTRY PART-VIII

"MAIN AISI MOHABAT KARTA HOU"

main aisi mohabbat karta hoon
tum kaisi mohabbat karti ho
tum jahan peh bayth k jati ho
main waheen pe betha rehta hoon
us cheez ko choota rehta hoon
main aisi mohabbt karta hoon



tum jis se huns k milti ho
main us ko dost banata hoon
tum jis rustay par chalti ho
main us say aata jata hoon
main aisi mohabbat karta hoon
tum kaisi mohabbat karti ho

tum jin ko daykhti rehti ho
wo khuwab....sarhanay rakhta hoon
tum say milnay julnay k
kitnay hi bahanay rakhta hoon
main aisi mohabbat karta hoon
tum kaisi mohabbat karti ho

tum jahan bhi bayth k jati ho
jis cheez ko hath lagati ho
main waheen peh baytha rehta hoon
us jaga ko choota rehta hoon
main aisi mohabbat karta hoon
tum kaisi mohabbat karti ho



kuch khuwab saja kar aankhoon main
palkon say moti chunta hoon
koi lums agar choo jaa a to
main pehroon us ko sochta hoon
main...aisi mohabbat karta hoon
tum kaisi mohabbat karti ho

jin logon main tum rehti ho
tum jin say batain karti ho
tum jin say huns k milti ho
jo tum ko achay lagtay hoon
wohi mujh ko achy lagtay hain
main aisi mohabbat karta hoon
tum kaisi mohabbat karti ho


jis bagh main subh ko jati ho
jis sabzay par tum chalti ho
jo shakh tumhain choo jati hay
jo khushboo...tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehti ho
main tum ko takta rehta hoon
main tum ko sochta rehta hoon
main aisi mohabbat karta hoon
tum kaisi mohabbat karti ho

"JO MAIRAY SAMNAY HAIN USS SAY KUCH HAT KAR BANTA"

jo mery samny hai uss se kuch haTT kar banata hooN
maiN apny khawb k andar naya manzar banata hooN

maiN ik sehra may sooraj khench kar laata hooN taanby sa
phir uss sehra may ik darya zara behtar banata hooN

buhat zahir parasti phailti jati hai yarooN may
so acchha hai k khud ko zaat k baahar banata hooN

buhat uRRta huwa maiN aasmaN kha`ngaal aaya
so ab ik peR ki Tehni py apna ghar banata hooN

diye may shaam se pehly jla aur raat bhar jal kar
guzishta raat k afsooN se ik mantarr banata hooN

mery daayeN, mery baayeN uRRy jaaty haiN jo baadal
maiN inn se baat karta hooN inheN behtar banata hooN.,,

"EK LARKI KI SOCH"

Khawabon Ki Ek Basti Thi
Ek Larki Os Mai Rahti Thi
Apnay Ghar k Angan Mai Khuch Sapnay Boya Karti Thi
Apnay kamray Ki Khirki Mai Bondon sai Kahila Karti Thi
Sab K Samnay Hasti Thi Chup Chup K Roya Karti Thi
Chand Ko Daoron Ghortay Rahna Phir Khud Sai
Batain Karti Thi,,,
Daikhnay Wali Sab Ankhon Ko Kanch Ki Gurya Lagti Thi
Toot Chuki Tu Sab Nai Jana Piyaar Mohabbat karti Thi

"REQUEST"

Tum rooth jao mujh se aisa kabi na karna,
Mein ik nazar ko tarsun, aisa kabi na karna,
Mein pooch pooch harron su su swal kar k,
Tum kuch jawab na do, aisa kabi na karna,
Mujh se he mil k hasna,mujh se hi mil k rona,
mujh se bicher k jee lu, aisa kabi na karna.

"MAIN TITLI KO SULA DOU GA"

Main titli ko sulaa doonga
Zara tum shaam honay do

Main jugnu ko jaga doonga
Zara tum shaam honay do

Kahan aaghaaz hota hai
Kahan anjaam hota hai


Hunar saaray sikha doonga
Zara tum shaam honay do


Mujhe itni mahaarat hai
K main saada se lafzon mein

Tumhain dil kash bana doonga
Zara tum shaam honay do

Meri nam-naak aankhoon ko
Na dekho tum haqarat se

Main tumko bhi rula doonga
Zara tum shaam honay do

Kahan hui tumhari shaam
Tum ne mujhse poocha hai


Jahan hogi bata doonga
Zara tum shaam honay do !!

"MAIN AIYNA THA WOH MAIRA KHAYAL RAKHTI THI"

Main aiyna tha, woh maira khayal rakhti thi
Main toot-ta tha to chun kar sambhal rakhti thi

Har aik maslay ka hal nikal rakhti thi
Zaheen thi, mujhay hairat main daal rakhti thi

Main jab bhi tark-e-taluq ki baat karta tha
Woh rokti thi mujhay, kal pay taal rakhti thi

Bas aik woh thi jisay ghaow main dikhata tha
Bas aik woh thi keh jo andmal rakhti thi

Woh mairay dard ko chunnti thi apni pooron say
Woh mairay wastay khud ko nidhal rakhti thi

Woh dobnay nahi daiti thi dukh kay darya main
Mairay wajood ki naow uchaal rakhti thi

Duain us ki balaon ko rook laiti thin
Woh mairay chaar soo hathon ki dhaal rakhti thi

Ik aisi dhun kay nahi phir kabhi main nay suni
Woh munfarid sa hansi main kamal rakhti thi

Usay nadamatain mairi kahan gawara thin
Woh mairay wastay asaan sawal rakhti thi

Bichar kay uss say main dunya ki thokaron main hon
Woh pass thi tau mujhay lazawaal rakhti thi

Sahar tha naam , ujalay ghulam thay us kay
Woh zindagi kay andhairay ujaal rakhti thi

"MAIN KHAIYAL HON KISI OR KA MUJHAY SOCHTA KOEI "

MEIN KHAYAL HON KISE AUR KA MUJHAY SOCHTA KOI AUR HA
SARAY AAINA MERA AKS HA PASAY AAINA KOI AUR HA

MEIN KISE K DAST-E-TALAB MEIN HON TU KISE K HURF-E-DUA MEIN HON
MEIN NASEEB HON KISE AUR KA MUJHAY MANGTA KOI AUR HA

AJAB AIETEBAR -O- BE-AIETEBARI K DARMIYAN HA ZINDAGI
MEIN KAREEB HON KISE AUR K MUJHAY JANTA KOI AUR HA

MERE ROSHNI TERAY KHADO KHAL SAY MUKTALIF TU NAHE MAGAR
TU KAREEB AA TUJHAY DEKHLON TU WOHI HA YA KOI AUR HA

TUJHAY DUSHMANON KE KHABAR NA THEE MUJHAY DOSTON KA PATA NAHE
TERE DASTAN KOI AUR THE MERA WAQIAA KOI AUR HA


WOHI MUNSAFON KE RIWAYATEIN WOHI FAISLOON KE IBARATEIN
MERA JURM TU KOI AUR THA PER MERE SAZA KOI AUR HA

KABHI LOUT AAYEIN TU POCHNA NAHE DEKHNA UNHEIN GHOOR SAY
JINHEIN RAASTAY MEIN KHABAR HOYE K YE RASTA KOI AUR HA

JO MERE RIYAZAT NEEM SHAB KO SALEEM SUBAH NA MILSAKI
TU PHIR OSKAY MAIYENAY TU YE HOYE KAY YAHAN KHUDA KOI AUR HA

"AISI HI SARD SHAAM THI"

AISII HII SARD SHAAM THII*

Aisii hii sard shaam thii vo bhii,
Jab vo mahandii rachaaye haathoo main,

Apanii aahaT ke Khauf se larazaain,
SurKh anchal main moonh chopaaye hue,

Apane Khat mujh se lena aeye thii,
Us kii sahami hoee nigaahoon main,

Kitanii Khaamosh iltijaayain thii,
Us ke cheharay ki zard rangat main,

Kitanii majaboriyoon ke saaye thay,
Mere haathoon se Khat pakra Datay hii,

Jaane kia soch kar achaanak vo,
Meraa shaana pakar kar roee thii,

Us ke yaaquut rang hontoon ke,
Kap_kapaate hue kinaroon par,

Sadiyoon k ankahey fasaane thay,
Sard shaamoo main der tak aksar,

Jab ye manzar dikhayee detaa hai,
Aisii hii sard shaam thii vo bhii.

"WO DIL HI KIYA TERE MILNAY KI JO DUA NA KARE"

Wo dil hii kia tere milnay ki jo dua na kare
Main tujh ko bhool ke zinda rahoon khuda na kare
Rahe ga pyar tere saath zindagii ban kar
Ye or baat hai merii zindagi wafa na kare
Ye theek hai nahi marta koi judaii main
Khuda kisi ko magar kisi se juda na kare
Agar wafa pe bharosa rahe na dunya main
To koi shaqs mohabbat ka hosla na kare
Suna hai ishq usii ko duayen deta hai
Jo dil pe chot to khaye magar gilaa na kare
Bujhaa dia hai naseebon ne mere pyar ka chaand
Koi dia meri palkon pe ab jala na kare
Zamana dekh chuka hai parakh chuka usay
Qateel jaan se jaye par iltaja na kare

"SAMANDAR PAR SUKOON HAIN........................"

samander per sukoo'n hai per kinaray shor kertay hain
meray atraaf bas rangee'n nazaray shor kertay hain



aur ab to chandni raatein mujay achi nahi lagtein
sukoo'n say so nahi sakta k taray shor kertay han



mein jab khamosh rehta hon to sab khamosh rehtay han
agar ik lafz bhi bolon to saray shor kertay han



bohat muddat hoe jab tum meray kochay say guzray thay
pa'kadmon k nishaa'n ab tak tumharay shor kertay hain



koe bhi baat yaksooe say ab sochi nahi jati
k meray zahen mein kuch ista'aray shor kertay han



mera ghar jal raha hai, mein kisi say kuch nahi kehta
magar aye doost ye shulay shararay shor kertay hai