PEOTRY PART-I

"KAHEEN EK MASOOM NAZUK SI LARKI"
Kaheen ik masoom nazuk si ladki
Bohat khobsoort mager sanwali si
Mujhay apnay khwabon ki banhoon main paa ker
Kabhi neend main muskurati tu ho gi
Usi neend main karwaten badel ker
Serhanay se takiyay girati tu ho gi
Wohi khawab din ki khamoshi main aa ker
Usay man he man main lubhatay tu hongay
Kaii saaz seenay ki khamoshion main
Meri yaad se jhun jhanatay tu hongay
Woh besakhta dheemay dheemay suron main
Meri dhun main kuch gun gunati tu ho gi
mujhay khat likhnay wo bathi tu hogi
Mager ungliyan kapkapati tu hon gi
Qalam haath se choot jata tu ho ga
mager qalam phir say uthati tu ho gi
Mera naam apni kitabon per likh ker
Woh Danton main ungli dabati tu ho gi
Zuban se kabhi uff nikkalti tu ho gi
Badan dheemay dheemay sulagta tu ho ga
Kahiin k kahiin pauoon pertay tu hongay
Zameen pe dupata larakta tu ho ga
Kabhi subah ko shaam kehti tu ho gi
Kabhi raat ko din banati tu ho gi
Kahheen ik masoom nazuk si ladki
Bohat khoobsorat mager sanwali"


SUNO ...TUM DAIR MAT KARNA
--------------------------------------
suno tum dair mat karna
kisi ki aankh ka aansoo
koi chehra
koi lehja
koi aawaz tum ko jis qadar rokay
magar tum dair mat karna

kisi ki yaad mein doobi hoi aankhein tumhein har lamha takti hein
kisi ki aankh mein janaN tumhari yad ki barish har ik lamha barasti hein

tumhein bus sochtey rehna kisi ka kaam rehta hai
tumhari yaad ka mousam tou subha o shaam rehta hai
kisi kay hont par har dam tumhara naam rehta hai

suno tum dair mat karna

kisi ki neend say jaagi hoi aankhein
kisi ka gard mein lipta howa chehra
kisi ka dard mein dooba howa lehja
sabhi aawaz detey hein
tumhein aawaz detey hein

suno tum dair mat karna
suno tum dair mat karna


ImraN NarmI

"BUS ITNI SI INAYAT MUJH PAR EK BAR KIJIYE"

Bas itni si inaayat mujh pe aik baar kijiye
kabhi aa ke mere zakhmon ka dedaar kijiye

Ho jaaiye begaane aap shauq se sanam
aapka hun aapkA rahungA aitbaar kijiye

Parrhne waale hi darr jaayen dekh kar ise
kitaab-e-dil ko itnaa na daagdaar kijiye

Na majboor kijiye, ke main unko bhool jaaun
mujhe meri wafaaon ka na gunehgaar kijiye

In jalte diyon ko dekh kar na muskuraaiye
zara hawaaon ke chalne ka intezaar kijiye

Karna hai ishq aapse karte rahenge hum
jo bhi karna hai aapko mere sarkaar,kijiye

Phir sapno ka ashiyaan bana liya hai maine
phir aandhiyon ko aap khabardaar kijiye

Hame na dikhaiye ye daulate ye shohrate
hum pyaar ke bhookhe hain hame pyaar kijiye

"MAY FAVORITE SO SHARING WITH YOU"

ye sitara be nazer hai,
ye aasma bay zaba hai,
abhi tujh se milta ghulta koi dusra kahan hai,
kabhi paa k tujhai khoona kabhi khoo k tujhai paana,
ye janum janum ka rishta teray meray darmian hai,
meray saath chalnay walay tujhai kiya mila suffer main,
wohi dukh bahri zameen hai,wohi ghum ka aasma hai,
inn hi rastoon pe jin per kabhi tum thay saath meray
mujhay rok rok poocha tera hum suffer kahan hai,

"MOUT SAY DAR NAHI LAGTA HAIN MUJH KO"

Maut se daar nahi lagta mujhko
Tujh se judaai ka daar hain
Kisi aur ka haq nahi mujh pe
Sirf tujhe haq hain
Punch lo apni dhadkano se
Kitna pyaar hain aapse
Aur aapko ham pe shaq hain...

"LARKI KO SOCHTA RAHA MAIN"

Ek larki ko sochta raha main,
phir ayaina dekhnay laga main,

is ki tarah apna naam laiy kar,
khud ko bhi laga naya naya main,

tu meray bina na reh saki tu,
kab teray bagair ji saka main,

atii rahay ab kahi sai awaz,
ab tu teray pas a gaya ho mai

daman tha tera kai mera matha,
jo dagh bhi thay meta chuka hou main.

"DOU SHAIR "

BHOOL KAR ZAAT, TUM KO YAAD KIA
BAAT BE BAAT, TUM KO YAAD KIA
~!~
NEEND AANKHON SE UR GAYI US RAAT
HAM NE JIS RAAT TUM KO YAD KIYA

"ARSOON KAY BAAD DAIKHA, EK SHAKHS DILL RUBA SAY"

arson k bad dekha, ik shakhs dil-ruba sa
Ab zehen mein nahi hai, per naam tha bhala sa

Abroo khinche khinche se, aankhein jhuki jhuki si
Batein ruki ruki si, lehja thaka thaka sa

Alfaz they k jugnoo, awaaz k safar mein
Ban jaye jangalon mein jis tarha raasta sa

Khuwabon me khuwab us k, yadon me yad uski
Neendon mein ghul gaya ho jese k rat-jaga sa

Pehle bhi loug aaye kitne hi zindagi mein
Wo har tarha se lekin auron se tha juda sa

Agli muhabbaton ne wo naa muradiyan deen
Taza rafaqaton se dil tha dara dara sa

Kuch ye k muddaton se ham bhi nahi they roye
Kuch zeher mein bujha tha ehbab ka dilasa

Ham ne bhi usko dekha kal sham ittifaqan
Apna bhi haal hai ab logon Faraz ka sa

"BIKHRAIN AGY MAIRAY SARAY ARMAN TUM DAIKH LAINA"

Bikhren gay mere sare armaan dekh lena
jab tum banu ge mujh se anjan dekh lena

tum khush rahu ge phir bhi mehsoos ho ga aksar
jewan k sare lamhe veran dekh lena

mujh ko na le chale tu koi sang na chale ga
raahen tumhare sansan hoge dekh lena

mujon se chot kha kar sahil ko tham lo ge
lekin karo ge apna nuqsan dekh lena

daman bacha k apna kantu k rah guzar se
aik din banu ge mere mehman dekh lena

sapno ki sarsarahat har roz tang karege
aye ge yaad meri nadan dekh lena

meri dua rahe ge tere sath saya ban kr
tujh ko na cho sake ga tufan dekh lena

"MAIN HOU TAIRA KHAIYAL HAIN AUR CHAND RAAT HAIN"

Mein hoon tera khayal hai aur chand raat hai
Dil dard se nidhaal hai aur chand raat hai

Aankhon mein chubh gayein teri yadon ki kirchiyan
Kandhon pe gham ki shaal hai aur chand raat hai

Dil tor ke khamosh nazaron ko kiya mila
Shabnam ka ye sawal hai aur chand raat hai

Phir titliyan si urne lagein dasht-e-khuwaab mein
Phir khuwahish-e- wisaal hai aur chand raat hai

Campus ki nehar per hai tere haath haath mein
Mausam bhi lazawal hai aur chaand raat hai

Har aik kali ne orh liya matami libaas
Har phool per malaal hai aur chand raat hai

Meri to por por mein khushboo si bas gayi hai
Uss per tera khayal hai aur chaand raat hai

Chhalka sa parr raha hai WASI wehshaton ka rang
Har cheez pe zawaal hai aur chaand raat hai!!!!!!

"CHALAY WO KADAM KADAM JO SATH MAIRAY"

Chalay Wo Kadam Kadam Jo Saath Mere
To Us Kay Saath Say Pyaar Ho Jaye

Thamay Jo Pyaar Say Haath Mera
Tu Apnay Hi Haath Say Pyaar Ho Jaye

Jis Raat Aye Khuwabon May Wo
Us Suhaani Raat Say Pyaar Ho Jaye

Jis Baat Main Aye Zikar Us Ka
Tu Ussi Baat say Pyaar Ho Jaye

Jab Pukaray Pyaar Say Naam Mera
Tu Apnay Hi Naam Say Pyaar Ho Jaye

Hota Hai Itna Khubsurat Ye Pyaar Ager
Tu Kaash !!
Usay Bi "sharjeel" k Pyaar Say Pyaar Ho Jaye